Олон улсын валютын сангийн тэргүүн асан Доминик Строс Кан өчигдөр Францын хоёр ч сэтгүүлийг хувийн амьдралд оролцсон хэмээн шүүхэд өгч нийтдээ 130 мянган евро нэхэмжилсэн байна. Францын “VSD”, “Closer” хэмээх хоёр сэтгүүл түүнийг Корсик арал дээрх амралтад Мириам Л’Оффир гэдэг бүсгүйтэй байх зургийг нь авч нийтэлсэн юм байна. Тиймээс Строс Кан “VSD” сэтгүүлээс 80,  “Closer” сэтгүүлээс 50 мянган евро нэхэмжилжээ. Уг нь тэр зураг олон нийтийн анхаарлыг тэгтлээ их татаагүй ч “Стросс Канаас болгоомжил” гэсэн анхааруулга болгож нийтэлсэн гэж гомдол гаргагч өөрөө үзсэн байна.
Мириам Л’Оффир ч бас сэтгүүлүүдээс тус бүр 100 мянган евро гаргуулахаар нэхэмжилсэн байна.
2011 оны тавдугаар сард Доминик Стросс Кан Нью-Йоркийн зочид буудлын үйлчлэгчийг хүчирхийлэх гэсэн хэрэгт сэжиглэгдэн баривчлагдаж байсан юм. Түүнийг хэдийгээр буруугүй гэж үзсэн ч тэрээр үүнийхээ улмаас ОУВС-гийн тэргүүний албан тушаалаасаа огцорч, Францын Ерөнхийлөгчийн сонгуульд нэр дэвших боломжоо алдсан юм.