Их Британийн Ерөнхий сайд Дэвид Кэмероны хайртай Ларри муур Сангийн сайд Жорж Осборны мууртай муудалцан зодолдсоныг цагдаагийнхан салгахад хүрчээ. Британийн Засгийн газрын тэргүүний албан байр, Сангийн яамтай Даунинг гудамжинд яг зэргэлдээ оршдог юм байна. Ерөнхий сайдын таван настай Ларри муур хашаан дотуур зугаалж явтал Сангийн сайдын залуухан Фрейн муур хашаагаар нь орж яваад тааралдчихаж. Хоёр муур хоёул уураа барьж чадахгүй зодолдож эхлэхэд азаар харуулын цагдаа нар таарч салгасан байна. Ларри муур Ерөнхий сайдын албан байр луу орсны дараа Фрейн хашаан дотуур ая тааваараа зугаалсаар үлдсэн гэнэ.