Жендэрийн үндэсний хорооны 2025 оны үйл ажиллагааны төлөвлөгөөний 41 дүгээр заалт дахь Зан үйлд нөлөөлөх сайн дурын сургалтын арга зүйг хөгжүүлж, сум, хороонд жигд хүртээмжтэй зохион байгуулах арга хэмжээ болон Төрийн албаны зөвлөлөөс зохион байгуулж буй “Шинэтгэлээр түүчээлсэн салбар зөвлөл” аяны хүрээнд зарим аймаг, сумын иргэдийн Төлөөлөгчдийн Хурлын эмэгтэй төлөөлөгч нарыг хамруулсан “Жендэрт суурилсан чадавхжуулах сургалт”-ыг зохион байгууллаа.
Тус сургалтаар Дотоод хэргийн их сургуулийн Шинжлэн магадлахуй судлалын төвийн эрхлэгч, Хууль зүйн доктор /Ph.D/, Дэд профессор, Цагдаагийн дэд хурандаа Ж.Нямдулам “Жендэрийн хувирган өөрчлөх арга зүй ба жендэрийн хариуцлагатай бодлого, төлөвлөлт”, Удирдлагын академийн Эрх зүйн тэнхмийн эрхлэгч багш, Доктор /Ph.D/, Дэд профессор А.Алтанзул “Засаг захиргаа, нутаг дэвсгэрийн нэгж, түүний удирдлагын тухай хуулийн үзэл баримтлал, шинэчлэл” сэдвийн хүрээнд илтгэл тавьж, холбогдох мэдээллийг өглөө.
Сургалтад орон нутгийн иргэдийн Төлөөлөгчдийн Хурлын 100 гаруй эмэгтэй төлөөлөгчид хамрагдаж, жендэрт суурилсан чадавхжуулах сургалтын хүрээнд сонирхсон асуултуудаа асууж, санал солилцов.
