Биеийн тамир, спортын улсын хороо нь 2024 оны төрийн байгууллагуудын мэдээллийн цахим ил тод байдлын индексийн үнэлгээгээр тохируулагч агентлагуудын ангилалд тэргүүлж, төрийн нийт 56 байгууллагаас 12 дугаар байрт (74.2%) шалгарлаа.Цахим ил тод байдлын индекс нь төрийн байгууллагуудын цахим мэдээллийг иргэдэд аль зэрэг нээлттэй, хүртээмжтэй хүргэж байгааг тоон үзүүлэлтээр хэмждэг бөгөөд тухайн байгууллагын цахим засаглалын хөгжилд оруулж буй хувь нэмрийг үнэлдэг чухал шалгуур үзүүлэлт юм.
Мэдээлэл, харилцаа холбооны технологийн дэвшлийг төрийн үйлчилгээнд үр дүнтэй нэвтрүүлж, иргэдэд мэдээллийг ил тод, шуурхай хүргэх үйл ажиллагааг хэрэгжүүлсний үр дүнд энэхүү амжилтад хүрсэн гэж дүгнэж болно.Монгол Улс цахим засаглалыг хөгжүүлэх, төрийн мэдээллийг ил тод, хүртээмжтэй болгох зорилт тавин ажиллаж байгаа энэ үед тус хорооны үр дүнтэй менежмент, иргэдэд чиглэсэн бодлогын хэрэгжилт нь жишиг болж байна.Цаашид Биеийн тамир, спортын улсын хороо иргэдийн мэдээлэл авах эрхийг хангах, төрийн ил тод байдлыг нэмэгдүүлэхэд МХХТ-ийн боломжийг үр ашигтай ашиглан манлайлан ажиллахыг зорьж байна.
