Шотланд алсдаа “Британийн 300 жилийн дарлалаас” гарч магадгүй байна. Шотландын нийслэл Эдинбургт хэдэн сар үргэлжилсэн яриа хэлэлцээрийн эцэст Их Британийн ерөнхий сайд Дэвид Кэмерон, Шотландын нэгдүгээр сайд Алекс Сэлмонд нар ямар нөхцөлд Шотландад тусгаар тогтнолын талаарх бүх нийтийн санал асуулга явуулах талаарх хэлэлцээрт гарын үсэг зурсан байна. Хэлэлцээрт зааснаар Шотландыг тусгаар тогтнуулах эсэх тухай бүх нийтийн санал асуулгыг 2014 онд явуулж 16 насанд хүрсэн бүх иргэнийг оролцуулах  болжээ.
Санал асуулгыг Бэннокбергийн дэргэд Шотландын хаан Роберт Брюс Английн гэгээнтэн Эдуард II-ын цэргийг бут цохиж тусгаар тогтнолоо сэргээж байсны 700 жилийн ойг тохиолдуулан явуулах гэж байгаа аж.
Хамгийн сүүлд явуулсан судалгаагаар Шотландын хүн амын 53 хувь нь Их Британийн бүрэлдэхүүнд байхыг дэмждэг бол дөнгөж 28 хувь нь тусгаар тогтноно гэсэн санал өгч байжээ.