Ливийн Бүх нийтийн үндэсний конгресс өчигдөр тус улсын Ерөнхий сайдаар хүний эрхийг хамгаалагч, дипломатч Али Зайденыг сонгосон байна. Али Зайден өмнө нь парламентын гишүүн байгаад Ерөнхий сайдын суудалд өрсөлдөх гэж гишүүнээсээ татгалзсан байна. Конгрессын 200 гишүүний 93 нь түүнийг дэмжсэн байна.
Али Зайден 1980-аад онд Муаммар Каддафийн дэглэмийг эсэргүүцсэн Ливийн сөрөг хүчний “Ливийг аврах үндэсний фронт”  байгууллагын ажиллагаанд оролцож Женев дэх Ливийн хүний эрхийн байгууллагын өмгөөлөгчөөр ажиллаж байжээ.