Дэлхийн эмч нарын өдрийг тохиолдуулан Дорноговь аймгийн эрүүл мэндийн салбарын эмнэлгийн тусламж үйлчилгээнд нэвтрүүлж буй шинэ технологи, инновац, шилдэг туршлагаа иргэдэд танилцуулах зорилгоор “Эрүүл мэндийн технологи-2025” үзэсгэлэнг орон нутагт хоёр дах удаагаа амжилттай зохион байгууллаа.

Тус үзэсгэлэнд төр ба хувийн хэвшлийн 60 гаруй эрүүл мэндийн байгууллагууд оролцож, орон нутагт шинээр нэвтрүүлсэн шинэ технологи, шилдэг туршлага, оношилгоо эмчилгээний давуу тал, чадавхаа танилцуулж, орон нутгийн төр болон төрийн бус байгууллагын 20 гаруй албан газар, аж ахуйн нэгж, байгууллагууд болон иргэд нийт 300 гаруй хүн үзэж, үзлэг, оношилгоо, зөвлөгөө авч, үйлчлүүлсэн байна.