“Gallup” судалгааны төвөөс дэлхийн 125 оронд судалгаа хийж үзэхэд эрэгтэйчүүдийн 46, эмэгтэйчүүдийн 48 хувь нь л сонгуулийн дүнд итгэдэг гэсэн дүн гарчээ. Ялангуяа Европын орнуудад иргэдийн 53-58 хувь нь сонгуулийн дүнд итгэлтэй байдаг гэнэ.
Харин Азид бол эрэгтэйчүүдийн 51, эмэгтэйчүүдийн 50 хувь нь итгэдэг бол Ойрхи Дорнод,  Хойд Африкт 44-45, Өмнөд болон Хойд Америкт 43-37, Африкт 47 хувь нь л итгэдэг байна.
Харин ЗХУ-ын бүрэлдэхүүнд байсан орнуудад бол эрэгтэйчүүдийн 26, эмэгтэйчүүдийн 25 хувь нь л сонгуулийн дүн үнэн гарсан гэж итгэдэг байна.  
Тэгвэл сонгуулийн дүнд хамгийн их итгэдэг улс бол Лаос гэнэ. Лаост эрэгтэйчүүдийн 91, эмэгтэйчүүдийн 89 хувь нь сонгуулийн дүнд сэтгэл хангалуун байдаг бөгөөд үүний араас Камбожид энэ үзүүлэлт 88-92 хувь, Нидерландад эрэгтэйчүүдийн 88, эмэгтэйчүүдийн 80 хувь нь итгэлтэй байдаг гэсэн үзүүлэлтээр тус тус оржээ.  
Ардчиллын замаар хамгийн удаан замнасан  АНУ-д эрэгтэйчүүдийн 52, эмэгтэйчүүдийн 44 хувь нь сонгуулийн дүнг хүлээн зөвшөөрдөг бол Оросуудын 21-23 хувь нь л сонгуулийн дүнг үнэн гэж хүлээн зөвшөөрдөг гэнэ.
Сонгуулийн дүнг үнэн гарлаа гэж үздэггүй орноор Армяныг нэрлэжээ. Энд эрэгтэйчүүдийн 12, эмэгтэйчүүдийн 13 хувь нь л бидний өгсөн санал үнэн гарлаа гэж үздэг байхад Монголд үүнээс ч дор үзүүлэлт гардаг гэж Голос Америки сайтад бичжээ.