Хөвсгөл аймгийн Хатгал тосгоноос Чандмань-Өндөр сум, Ренчинлхүмбэ, Ханх, Цагааннуур зэрэг сумын чиглэлд Хөвсгөл нуурын мөсөн дээгүүр зам товчлох зорилгоор хөдөлгөөн үйлдэх зөрчил их гарч байна.

Хөвсгөл аймгийн Чандмань-Өндөр сумын чиглэлд "Доншгийн ам" гэдэг газар эргээсээ 400м-т, 2.5м өргөн "Хар хил", Цагааннуур, Ренчинлхүмбэ сумын чиглэлд хар усны "Цагаан хил" гарсан байгаа тул ард иргэд, зорчигч та бүхэн зам товчлох, цаг хугацаа хэмнэх зорилготой мөсөн замаар хөдөлгөөн үйлдэхгүй, баталгаат зам, гүүрээр зорчиж аюулгүй байдлаа хангахыг Хатгал тосгон дахь Гал түймэр унтраах, аврах 69-р ангиас  анхааруулж байна.