Умард Солонгос Америкийн нутаг дэвсгэрт хүрэх пуужин бүтээсэн гэсэн мэдэгдэл гаргасан тухайд АНУ-ын Төрийн департамент шүүмжлэлтэй хандаж байна. Тус улсын гадаад бодлогын газрын албан ёсны төлөөлөгч Виктор Нуланд “Умард Солонгос шинэ зэвсэг хийх гэж байснаас өөрийнхөө ард түмнийг яаж тэжээх талаар бодох нь хамаагүй дээр” гэжээ. Тэр бас “Энэ мэдэгдэл олон улсын хамтын нийгэмлэг яриа хэлэлцээрээ сэргээх хэрэгтэйг анхааруулж байна” гээд “Тэд пуужингаа АНУ-д хүрч чадна гэж байгаа нь өдөөн хатгалга” гэсэн байна.
Умардынхан пуужингаа Америкт хүрнэ гэж мэдэгдэж байгаа нь АНУ, Өмнөд Солонгос хоёр Солонгосын хойгт пуужингаас эсэргүүцэн хамгаалах систем байрлуулах талаар гэрээнд гарын үсэг зурсантай холбоотой юм. Харин В.Нуланд энэ гэрээг өөр ямар нэг улсад аюул учруулахгүй гэсэн байна.