Бурхан Халдун уул орчмын түүх, соёлын үнэт өв, байгалийг хамгаалахад орчин үеийн дэвшилтэт технологийг ашиглаж байна. Энэ хүрээнд хяналтын камер суурилуулж хулгайн ан, хууль бус мод бэлтгэлээс урьдчилан сэргийлэх, ан амьтдын мэдээллийн сан үүсгэх, цаашлаад орон зайн хяналт, судалгааны ажлыг сайжруулахад чухал ач холбогдолтой юм.Тус ажлын хүрээнд “Strike Force Wireless” компанийн “Browning Trail Camera”-г 3 сумын газар нутагт байршуулан, түүхэн өвийн газар нутагт хяналт тавих, мэдээлэл цуглуулах ажлыг хэрэгжүүлж байна.