ОХУ-ын Соёлын яам гадаадын иргэдийг 72 цагаар Орост зорчуулах тухай хуулийн төсөл боловсруулах гэж байгаа тухайгаа сайд Владимир Мединский мэдэгджээ. Орост визгүйгээр гурав хоног зорчих иргэдийг Москва, Петербург, Казанийн нисэх буудлаар оруулах юм байна. Ингэснээр гадаадын жуулчдад Орост түр саатаж соёлтой нь танилцах боломж олгоно гээд “Оросоор дамжин Ром руу явж байгаа Японы жуулчин энэ хугацаанд Их театрт үзвэр үзээд явна шүү дээ” гэж жишээ татсан байна. Энэ хуулийг баталснаар Оросын аялал жуулчлал өргөжинө гэж Соёлын яам үзэж байгаа аж.