Италийн Засгийн газар Режо-ди-Калабрия хотын захиргааны ажилтнуудыг бүгдийг нь мафийнхантай холбоотой гэж бүхэлд нь огцруулсан байна. Хотын түшмэд Италид хамгийн алдартайд орох гэмт хэргийн “Ндрангете” бүлэглэлтэй холбоотой болох нь нотлогдсон тул ийм шийдвэр гаргажээ. Италийн Дотоод хэргийн сайд Анна Мария Канчелльери мафийн бүлэглэл хотод хяналт тогтооход хотын зөвлөлийн 30 гишүүн ямар ч хориг хийгээгүй гэсэн байна.
Тус хотын шинэ хотын зөвлөлийг хагас жилийн дараа томилно. Режо-ди-Калабрия хот 180 мянган оршин суугчтай юм. Энэ бол Италид  мафийн бүлэглэлтэй холбоотой хэргээр хотын удирдлага нь бүхэлдээ огцорч байгаа анхны тохиолдол болж байна.