“Монголын Хөрөнгийн Бирж” ХК (МХБ)-ийн удирдлага болон холбогдох албаны төлөөлөл 2024 оны 11 дүгээр сарын 28-ны өдөр Бүгд Найрамдах Хятад Ард Улсын Далиан Коммодити Биржид ажиллаж, тус биржийн Гүйцэтгэх захирал Яан Шаомин тэргүүтэй төлөөлөлтэй албан уулзалт хийлээ.  Уулзалтаар биржүүд үйл ажиллагаагаа харилцан танилцуулж, түүхий эдэд суурилсан үүсмэл санхүүгийн хэрэгсэл нэвтрүүлэх, хөгжүүлэх, хүний нөөцийн чадавхыг сайжруулах, хамтарсан бүтээгдэхүүн, үйлчилгээ гаргах, зах зээлийг сурталчлах, бирж хоорондын хамтын ажиллагааны боломжийн талаар санал солилцон, цаашдын хамтын ажиллагааг эхлүүлэхээр болов.  БНХАУ-ын Далианы коммодити бирж нь 1993 онд байгуулагдсан. БНХАУ-ын таван фьючерс биржийн нэг бөгөөд төмрийн хүдрийн фьючерс хэлцлийн биет хүргэлт хийсэн дэлхийн анхны биржүүдийн нэг. Түүнчлэн БНХАУ-д хөдөө аж ахуйн салбарт амьд малын арилжааг анх хийж гүйцэтгэсэн.  Одоогоор 21-н төрлийн фьючерс, 13-н төрлийн опцион арилжаалж байгаа ба нийт 160 гаруй гишүүн брокер, 2.3 сая харилцагч, 559 бүтээгдэхүүн нийлүүлэх цэг, төлбөр тооцоо гүйцэтгэх 16-н клирингийн төвтэй үйл ажиллагаа явуулж байна. 

Нийтэлсэн: О.Ундармаа