Тус үзэсгэлэн 25 дахь жилдээ зохион байгуулагдаж буй бөгөөд үзэсгэлэнгийн нээлтийн арга хэмжээг Монголын Аялал Жуулчлалын холбооны Ерөнхийлөгч Д.Гантөмөр, Соёл, Спорт аялал жуулчлал, залуучуудын яамны Төрийн Нарийн Бичгийн Дарга А.Даваажаргал нар нээж энэ жилийн үзэсгэлэнгийн уриа онцлог, салбарын чиг хандлага болон бодлогын түвшинд төлөвлөж буй ажлыг дурдлаа.
Тус үзэсгэлэнгийн нээлтэд аймгийн Засаг дарга Г.Өнөрбаяр, Соёл урлаг, аялал жуулчлал, залуучуудын газрын дарга М.Нямдорж, Байгаль орчны газрын дарга Д.Пүрэвдорж нар оролцлоо. Мөн нээлтийн үйл ажиллагаанд Завхан аймгийн Хөгжимт жүжгийн театрын уран бүтээлчид ая дуугаа өргөлөө. Энэ удаад Завхан аймаг түнш аймгаар оролцож байгаагаараа онцлог юм.
Үзэсгэлэн 10 дугаар сарын 25-наас 27-ны өдрүүдэд "Мишээл Экспо" олон улсын үзэсгэлэнгийн танхимд зохион байгуулагдана.
