Бие давхар болсон гэдгээ саяхан зарласан дуучин Шакира зургаан сартай жирэмсэн зургаа анх удаа олон нийтэд дэлгэн харуулжээ. 35 настайдаа анхны хүүхдээ тээж буй Колумбын дуучин бүсгүй өнгөрсөн бямба гаригт өөрийн “Facebook” хуудсандаа энэхүү зургийг нийтэлжээ. Түүний бие давхар зурагт 700 гаруй мянган хүн Like дарж, 50 мянган хүн коммент үлдээжээ.
Шакира анхны хүүхдээ тээж буйгаа өнгөрсөн сард зарлаж, уран бүтээлийн ажлаа түр хойш тавих болсноо мэдэгдсэн юм. Тэрээр Испанийн Барселона багийн хөлбөмбөгч Жерар Пикетэй болзож эхэлснээс хойш хоёр жилийн дараа ийнхүү анхны үрийн зулай үнэрлэхээр хүлээж байна. Тэд 2010 оны хөлбөмбөгийн ДАШТ-ний өмнө Шакирагийн “Waka Waka” дууны клипний үеэр танилцсан гэдэг. Алдарт хос саяхан Барселона хотод томоохон байшин худалдан авч, хамт амьдарч байгаа юм.
Шакира Жерар Пикетэй танилцахаас өмнө Аргентиний хууль Антонио де ла Руатай 11 жил хамт амьдарсны эцэст салсан юм. Түүний экс найз залуу ч бас удахгүй аав болох гэж байгаа гэнэ. Тэрээр Колумбын мисс Даниела Рамостой сүй тавьжээ.