УБТЗ-ын Хүний нөөцийн алба өөрийн харьяа Төмөр замын дээд сургууль болон Политехник коллежтэй хамтран тус сургуулийн оюутнуудад зуны амралтаараа мэргэжлээрээ ажиллаж, дадлага, туршлага хуримтлуулж цалинтай ажиллах боломж олгох зорилгоор жил бүр “Оюутан отряд”-ыг зохион байгуулдаг уламжлалтай.

Энэ жилийн оюутан отрядад дээрх сургуулийн 63 оюутан УБТЗ-ын Зорчигчийн вагон депо, Ачааны вагон засварын депо, Вагон ашиглалтын депо, Замын хоёр дугаар ангийн Багахангай, Багануурын хоорондын хэсэгт хуваарилагдан ажиллах юм.