Уран барималч Ө.Бүрэнжаргалын “Хайр” бие даасан үзэсгэлэн Соёлын яамны галерейд гарч байна. Ө.Бүрэнжаргал нь мод, чулуу, төмөр болон холимог техник ашиглан бүтээлээ туурвидаг.

Тэрээр уран баримлын бүтээлүүдээрээ дамжуулан эх орон, эрх чөлөөгөө хайрлах, өвөг дээдэс, өв соёлоо хайрлах, гэр бүл, амраг хосоо хайрлах, өөрийн болон өрөөлийн мөрөөдөл, хүсэл тэмүүллийг хайрлах, бүхий л харилцаа хэмжээ хязгаарыг давахгүйгээр бие биеэ харилцан хүндлэн энэ хорвоо дээр оршихуйн тухайд харуулахыг зорьсон байна.

Үзэсгэлэн энэ сарыг дуустал олны хүртээл болно.