Францын киноны домог болсон 79 настай  од Жан-Поль Бельмондо өөрөөсөө 40 дүү, загвар өмсөгч байсан найз бүсгүй Барбара Гандольфоос харилцаагаа таслахаар шийдвэрлэжээ. Тэр хоёр дөрвөн жил хамт амьдарсан гэж кино одын өмгөөлөгч Мишель Годе хэлсэн байна. Тэр хоёр 2008 онд Лазурын эрэг дээрх нэг зоогийн газарт танилцсаны дараах эхний дуулиан нь ердөө нэг жилийн дараа Playboy-н  загвар өмсөгч маань банкнаас 200 мянган евро нэг дор авснаар эхэлсэн юм. Гандольфи жүжигчний итгэлийг үнэхээр хүлээдэг байсан ч гэлээ ийм их мөнгийг юунд зарцуулсан нь сонин. Цагдаагийнхан түүний утасны бичлэг зэргийг сонирхсон ч жүжигчин маань найз бүсгүйдээ бүрэн итгэдэг гээд өнгөрч байжээ.