Нийслэлд тав хоног үргэлжлэн орсон борооны улмаас Сэлбэ болон Дунд голын усны түвшин огцом нэмэгдэж, үерийн гамшиг тохиолдоод байгаа билээ.

Үерийн улмаас нийслэлийн төв цэвэрлэх байгууламжийн хүчин чадал хэтэрч, аваарын горимд шилжсэн талаар УСУГ-аас мэдээллээ. Төв цэвэрлэх байгууламж хоногт 160-170 мянган куб метр ус хүлээн авах хүчин чадалтай бөгөөд одоогийн байдлаар усны хэмжээ 220 мянган куб метр даваад байна.