Засгийн газраас Үндсэн хуулийн өөрчлөлтийн төслийг өргөн барьж, УИХ-ын чуулганы нэгдсэн хуралдаанаар хэлэлцэх эсэхийг дэмжсэн билээ. Төсөлд гишүүдийн тоог 152 болгож, 76-г нь мажоритар, 76-г нь хувь тэнцүүлсэн сонгуулийн тогтолцоогоор сонгохоор тусгаад буй. Ийнхүү гишүүд Үндсэн хуулийн өөрчлөлтийн төслийг иргэдэд танилцуулахаар тойрог, тойрогтоо ажиллахаар болсон юм.
Тэгвэл уг үйл ажиллагаанд зориулсан төсвийг тэрбум 250 сая байхаар тусгаж, Засгийн газрын нөөц сангаас гаргах тогтоолыг өнөөдрийн Засгийн газрын ээлжит хуралдаанаар баталжээ.
Тодруулбал, гишүүд тойрогтоо ҮХӨ танилцуулах талаар УИХ-аас тавдугаар сарын 5-ны өдөр "Монгол Улсын Үндсэн хуульд оруулах өөрчлөлтийн төслийг хоёр, гурав дахь хэлэлцүүлэгт бэлтгэх тухай" тогтоолыг баталсан. Үүний хүрээнд шаардагдах төсөв хөрөнгийн Засгийн газраас нэг тэрбум 250 сая байхаар тогтоож байгаа юм байна. Ингээд гишүүд төсвөө батлуулж аваад тойрог тойрогтоо ажиллахаар мордож буй аж.
