Зэвсэгт хүчний 011 дүгээр ангийн Техникийн бага мэргэжилтэн бэлтгэх сургалтын төв, Зэвсэгт хүчний Тээврийн хяналтын алба, Цагдаагийн Ерөнхий газрын Бүртгэл хяналтын төвүүд хамтран ангийн зарим офицер, ахлагч, цэргийн гэрээт болон хугацаат цэргийн алба хаагчдад “В, С” ангиллын жолооны дамжааг зохион байгуулжээ. Сургалтыг хөдөлгөөнт бүлгийн багш, хошууч Б.Батдэлгэр, сургагч ахлагч Б.Эрдэнэчулуун, ахлах ахлагч Д.Гансүх, Т.Хүрэлбаатар нар удирдан явуулж байгаа юм байна. Жолооны дамжаанд хугацаат цэргийн алба хаагчдаас гадна ангийн дэд ахлагч нар ч хамрагджээ.