Олон улсын жүдо бөхийн холбоо (IJF)-ны өсвөр үе, залуучуудын Азийн цомын тэмцээн Казахстаны Алматы хотод болж байна.

Тус тэмцээнээс Монголын өсвөрийн жүдочид охид хоёр алт, нэг мөнгө, нэг хүрэл медаль хүртэж багаараа гуравдугаар байрт орсон бол залуус нэг мөнгө, нэг хүрэл медальтай эх орондоо ирэхээр боллоо. Эмэгтэйчүүдийн 57 кг-ын жинд "Мон-Алтиус, Цагаанбаатар" академийн тамирчин Цогбадрахын Эрдэнэцэцэг мөнгө, 52 кг-д энэ жил насанд хүрэгчдийн ДАШТ-д улсаа төлөөлөн оролцох "Гүрү дожо" клубийн тамирчин Мягмарсүрэнгийн Нандин-Эрдэнэ хүрэл медалиар энгэрээ мялаав.