2021 оны нэгдүгээр сард Ирландад 48 настай монгол эмэгтэй халдлагад өртөж, амиа алдсан хэрэг гарсан. Амь хохирогч бүсгүй ажлаа тараад харьж явахдаа Дублин хотын төв гудамжинд хүзүүндээ хутгалуулан, эмнэлэгт хүргэгдсэн ч шархаа даалгүй нас барсан юм. Тэгвэл эл хэргийг үйлдсэн гэмт этгээд болох 17 настай хүү бүх насаараа хорих ялаар шийтгүүллээ.

Эргэн сануулахад, Дублин хотын Гэгээн Кевиний сүмд Ц.Уранцэцэгийн дурсгалыг хүндэтгэх ёслол болж, Ирландын Ерөнхийлөгч Майкл Д.Хиггинс эмгэнэл илэрхийлж байсан билээ.