Монгол Улсын Төрийн шагналт, Ардын уран зохиолч Шаравын Сүрэнжавын нэрэмжит “Тэнгэрийн хүү” яруу найргийн улсын хоёрдугаар наадам энэ сарын 15-ны өдрийн 11:40 цагаас “Чингис хаан” музейн 9 давхрын хүндэтгэлийн танхимд болно. Энэ үеэр наадамд шалгарсан яруу найрагчид шүлгээ уншиж, онцлох уран бүтээлийн эздэд шагнал гардуулна. Мөн их найрагчийн олон түмнээ алдаршсан яруу найраг, дууны шүлгүүдээс дээжлэн хүргэх юм.