Монгол Улсын Засгийн газар 2022.02.14-ний өдөр Монгол Улс хилээ нээснээ зарлаж Засгийн газрын тогтоол гарсан ба үүний дараа Аялал жуулчлалын нэгдсэн форум зохион байгуулсан билээ. Бид өнгөрсөн 1 жилийн хугацаанд чамгүй олон ажлыг хийж хэрэгжүүлсэн бөгөөд 2023-2025 оныг Монголд зочлох жил болгон зарласан. Үүнтэй холбоотойгоор Аялал жуулчлалыг хөгжүүлэх үндэсний хороог Монгол Улсын Ерөнхий сайд Л.Оюун-Эрдэнэ ахалж салбарын Сайд нар орсноор олон ажлыг эхлүүлээд байна.

Агаарын тээврийн либералчлал хийгдэж, олон орныг визнээс чөлөөлж, хил орчмын аялал жуулчлалыг хөгжүүлэх бодлогууд гарч, Аялал жуулчлалын тухай хуулийн шинэчилсэн найруулгыг өргөн барьж, Аялал жуулчлалын 52 холбоо нэгдэж чадлаа.