Ерөнхий боловсролын сургуулийн сурагчдын 2022-2023 оны хичээлийн жилийн нэгдүгээр улирал буюу эхний хагас жилийн амралт 2022 оны 12 дугаар сарын 17-оос эхэлсэн. Хуваарь ёсоор сурагчид зургаан долоо хоног амрах учиртай. Улмаар 2023 оны 1 дүгээр сарын 30-ны өдрөөс хичээллэх юм. Цаг агаарын нөхцөл байдал болон томуу, томуу төст өвчний тархалт нэмэгдэж буйтай холбоотойгоор сурагчдыг амралтыг сунгах эсэх талаарх мэдээлэл цахим орчинд цацагдаад буй. Тэгвэл БШУЯ-наас хичээл хугацаандаа эхэлнэ гэдгийг мэдэгдсэн юм. Тиймээс ирэх даваа гарагаас сурагчдын хичээл эхлэх аж.