Япон Улсын Токио хотноо энэ сарын 21, 22-ны өдрүүдэд зохион байгуулагдаж буй “The Nutcracker” балетад Монголын балетын үндэсний сургуулийн сурагч Б.Анаргэрэл, И.Ундрам, Г.София, Т.Есүй нар оролцлоо. Тус балетыг Со Кикүчи захиралтай Олон улсын балетын академи үзэгчдэд хүргэж байгаа бөгөөд гавьяат жүжигчин, Соёлын элч Д.Алтанхуяг найруулж байгаа билээ. Уг тоглолтыг тохиолдуулан Монголын үндэсний балетын сургуулийн багш, ажилчид мэргэжлийн туршлага солилцох зорилгоор мөн Япон улсыг зорьжээ.