Зөнч Мухаммедыг гутаасан “Гэм зэмгүй мусульманчууд” киноноос болоод Иран улс “Оскар”-ын ёслолд оролцохгүй гэдгээ албан ёсоор мэдэгдлээ. Исламын бүгд найрамдах улсын Соёлын сайд Мохаммед Хосейни Америкийн кино академийн шагнал гардуулах ёслолд оролцохгүй гэдгээ мэдэгдээд лалын шашинт бусад орныг Тегераны жишээг дагахыг уриалсан байна. Энэ оны хоёрдугаар сард болсон “Оскар” гардуулах 84 дэх ёслолоор Ираны найруулагч Асгар Фархадын “Надер Симин хоёр салсан нь” кино гадаадын шилдэг бүтээлийн шагнал хүртэж байсан юм.
АНУ-д хийсэн “Гэм зэмгүй мусульманчууд” богино хэмжээний киноноос болоод лалын шашинт орнуудад америкийг эсэргүүцсэн хөдөлгөөн өрнөөд байгаа юм.