Монгол улсад Шинэ Үндсэн хууль, Нутгийн удирдлагын шинэ тогтолцоо өөрөө удирдах шатны байгууллага үүсч хөгжсөний 30 жилийн ойг тохиолдуулан аймгийн хүндэт шагнал “Ардын Хатанбаатар С.Магсаржавын нэрэмжит шагнал”-аар Аймгийн Засаг дарга Б.Ариун-Эрдэнэ, аймгийн Засаг дарга асан ,ИТХ-ын төлөөлөгч З.Батзориг нарыг шагналаа.

Ардын Хатанбаатар С.Магсаржавын нэрэмжит шагналыг аймгийн эдийн засаг нийгмийг хөгжүүлэх, төрийн алба, хууль ёсыг бэхжүүлэхэд шударга хөдөлмөр, эрдэм оюун, авьяас чадвараараа бодитой хувь нэмэр оруулсан төр, олон нийт, соёл, боловсрол, шинжлэх ухаан, эрүүл мэнд, аж ахуйн байгууллагад ажиллагсад, иргэдийг жилд нэг удаа шагнадаг юм.