Үндэсний урлагийн их театрын уран бүтээлчид 2022 оны өвөл цагийн үзвэрийн нээлтээ өнөөдөр, маргааш 19.00 цагаас “Монгол угсаатан мину” тоглолтоор эхлүүлэх гэж байна.

Үндэсний урлагийн их театр нь монгол угсаатан ястны онцлогийг харуулсан сор бүтээлүүдийнхээ дээжсээс үзэгч олондоо толилуулж сурталчлан таниулах, өвлүүлэн уламжлуулах зорилгынхоо хүрээнд Хөдөлмөрийн баатар, урлагийн гавьяат зүтгэлтэн, Төрийн соёрхолт С.Сүхбаатарын дэглэн найруулсан “Монгол угсаатан мину” тоглолтыг толилуулж байна.

Энэхүү тоглолтоор 

-13 Алтайн оргилыг магтан дуулсан Торгууд түмний их цэнгэлийг харуулах “Торгууд бүжгийн чуулбар”

-Дарьганга, барга, мянгад, халх ястны үзэсгэлэнт хатдыг яруу тансаг бүжгийн хөдөлгөөнөөр гайхуулах “Дөрвөн тунсаг”

-Баруун Монгол түмний аж байдал, дуу хуур, тоглоом наадгайн магтан дуулах “Дөрвөн Ойрадын уриа”

-Зүүн Монгол түмний аж байдал, дуу хуур, тоглоом наадгай магтан дуулах “Зүүн Монгол найраглал”

-Төв халхын ард түмний аж амьдралыг харуулсан чуулбар бүжиг “Хан тэнгэр Халх товчоо”-г толилуулах гэж байна.