Засгийн газар хуралдаж, уул уурхай, гадаад харилцаа, хөдөө аж ахуйн салбарт гаргасан шийдвэр мэдээллийн талаар танилцуулсан. Мэдээллийн дараа Ерөнхий сайдын хэвлэлийн төлөөлөгч Ч.Болортуяа хүүхдийн вакцинтай холбоотой тайлбар мэдээлэл өгөв.

Тэрээр “5-11 настай хүүхдийн вакциныг эцэг, эхийнх нь зөвшөөрөлгүй хийж байгаа гэх худал мэдээлэл гарсан байна. Наймдугаар сарын 1-нээс хүүхдийн вакциныг хийхдээ эцэг, эхийн зөвшөөрөлтэйгөөр сайн дурын үндсэн дээр хийнэ.

“Эмнэлэгт хэвтсэн хүүхдүүдэд вакцин хийж байна, хичээл сургууль эхлэхээр вакцинд хамрагдсан хүүхдүүдийг л сургуульд нэвтрүүлнэ” гэдэг мэдээллүүд бүгд худал гэдгийг анхааруулж байна” гэлээ.