Засгийн газраас төрийн өмчит компаниудыг үр ашигтай ажиллуулахын тулд орон тоог цөөлөх чиглэл өгсөн. Үүний дагуу “Эрдэнэс Монгол” компанийн ТУЗ тавдугаар сарын 31-нд хуралдаж, бүтцийн өөрчлөлт хийн шаардлагагүй зарим орон тоогоо цомхотгожээ.
“Эрдэнэс Монгол”-ийн ТУЗ энэ удаагийн цомхотголд тендерийн асуудалд нэр нь холбогдсон, ажилдаа ирдэггүй, өндөр цалинтай ч ажлын бүтээмжгүй, мэргэжлийн бус, нарийн мэргэшсэн албан тушаалд ур чадварын дутагдалтай гээд “асуудал” ихтэй хүмүүсийг албан тушаалаас нь чөлөөлсөн байна. Үндэсний баялгийн сангийн хуультай холбоотой "Эрдэнэс Монгол" компани дээр төрийн өмчийн уул уурхайн компаниуд төвлөрч, зэс, өнгөт металлын групп ашигт малтмалын групп гэх мэт нэгдсэн бодлого төлөвлөлтөөр ажиллахад мэргэжлийн чадварлаг хүмүүс ажиллах шаардлагатай тухай салбарын сайд нь ч хэлж байсан юм.
