Тансаг зэрэглэлийн “Gucci” брэнд энэ сараас эхлэн криптовалютаар төлбөр тооцоо хүлээн авахаар боллоо. АНУ-ын Нью-Йорк, Лос Анжелес зэрэг томоохон хотуудад тавдугаар сарын эцсээс эхлэн үйлчлүүлэгчид виртуал хөрөнгө ашиглан, худалдан авалт хийж болно гэж тус компани мэдэгдсэн байна. Харин Хойд Америк даяарх бусад салбар дэлгүүрүүд нь криптовалютаар төлбөр тооцоо хийх сонголтыг энэ зундаа багтан нэвтрүүлэхээр болжээ.

“Gucci” брэндийг эзэмшигч “Kering” компани нийт 10 төрлийн криптовалютаар төлбөр тооцоо хүлээж авахаар байгаа аж. Үүнд “Bitcoin”, “Bitcoin Cash”, “Ether”, “Dogecoin”, “Shiba Inu” зэрэг криптовалютууд багтаж байна.

Крипто төлбөрийг ихэвчлэн гар утасны зээлийн картын төлбөртэй адил хэрэглэгчийн ухаалаг утасны криптовалютын програмтай холбох бөгөөд QR код эсвэл NFC уншигчаар дамжуулан хүлээн авах юм байна. 

Эх сурвалж 

https://www.voguebusiness.com/technology/gucci-takes-the-leap-will-accept-crypto-in-us-stores