2022 оны гуравдугаар сарын 17-нд болсон Монгол цэргийн өдөр, орчин цагийн зэвсэгт хүчний 101 жилийн ойд зориулсан барилдаан болон гуравдугаар сарын 19-нд болсон Өвөрхангай аймгийн Сант сумын "Илдэн бэйлийн хүчтэн" бөхийн холбооны нэрэмжит барилдаанд тус тус шөвгөрсөн 14 бөхөөс шинжилгээ авахад 2 бөхөөс хориотой бодис илэрсэн тухай Үндэсний бөхийн холбооноос мэдээлсэн. Эх сурвалжын мэдээлж буйгаар улсын заан Ц.Одбаяр, аймгийн арслан Д.Ням-Очир нарын шинжилгээнээс хориотой бодис илэрсэн бололтой.