Т.Энхтүвшин гэдэг монгол залуу PUBG тоглооом зохион бүтээгч компанид албан ёсны эрхтэй тайлбарлагч болжээ. Тэрээр Өмнөд Ази бүсийн хамгийн өндөр цалинтай мэргэжлийн тайлбарлагч болсон бөгөөд нэг улирлын тэмцээний тайлбар хийхэд цалин нь 10000$-аас эхэлдэг юм байна. Т.Энхтүвшин 2019 оноос хойш PUBGM ESPORT-д тайлбарлагч хийж байгаа бөгөөд өнөөдрийн байдлаар 100 гаруй тэмцээнийг тайлбарлан хүргэжээ. ESPORT-ын хувьд нэг улирал нь 28 хоногтой тэнцдэг юм байна. PUBGM ESPORT-ын албан ёсны хэллэгт монгол хэлийг хүлээн зөвшөөрчээ.
Тус спортоор Монгол Улсын баг тамирчид эх орноо төлөөлөн South Asia, World Rank болон дэлхийн аварга шалгаруулах тэмцээнүүдэд амжилт болоод ашиг орлогоороо дээгүүр эгнээнд жагсдаг ба 2020 оны дэлхийн аварга шалгаруулах тэмцээнээс ZEUS esport баг 3 дугаар байрын шагнал 100.000$ , STALWART ESPORT баг 2021 оны дэлхийн аварга шалгаруулах тэмцээнээс 7 дугаар байр 70,500$ ийн шагнал хүртэж байсан билээ.
