Өчигдөр 14:30 цагийн үед Баянхонгор аймгийн Жинст сумын Бодь тавдугаар баг /аймгийн төвөөс баруун урд зүгт 93 км/-т мөндөр орж, сумын уурын зуухан дээр аянга буужээ. Сумын уурын зуухан дээр аянга буусан тухай мэдээлэл 15:40 цагийн үед тус аймгийн Онцгой байдлын газарт ирсэн байна. “БСТ Хонгор” ХХК-ийн механикч "Уурын зуух /Булат-1.45 мвт/-нд бага зэргийн гэмтэл гарснаас өөр учирсан хохирол байхгүй" гэж мэдээлжээ. Энэ жилийн анхны бороо Баянхонгор аймагт орсон энэ сарын 20-ны өдөр Баянхонгор аймгийн Жинст суманд оржээ.