Эмэгтэйчүүдийн гольфийн их дуулгад багтдаг Британий нээлттэй тэмцээнд БНСУ-ын  гольфчин Шин Жияай түрүүллээ. Түүний хувьд 2008 оны нээлттэй тэмцээнд түрүүлж байснаас хойш томоохон амжилт үзүүлээгүй байсан юм. Тэмцээн эхэлсэн цагаас спорт сонирхогч, мэргэжилтнүүд АНУ-ын гольфчин Пола Кримерийг тэргүүлэх байх хэмээн таамаглаж  байсан ч Азийн тамирчин түрүүлсэн нь олны анхаарлыг татлаа. Ингэснээр Шин Жияай нь Ази тивийн тамирчдаас хамгийн өндөр амжилт үзүүлсэн тамирчны нэг боллоо.