Энэ сарын сүүлээс ирэх сарын эхэн хүртэл халдварын тохиолдол оргилдоо хүрнэ гэсэн судалгаа гарсан билээ. Үүнтэй холбогдуулан ЭМЯ болон УОК-ын дэргэдэх Эрдэмтдийн зөвлөлөөс сургууль, цэцэрлэгийн амралтыг сунгах, эсвэл хичээлийг 5/9-ийн зарчмаар хичээллүүлэх талаар санал гаргасан. Уг асуудлыг БШУ-ы сайд, Эрүүл мэндийн сайдтай дахин сайтар хэлэлцэж, Засгийн газрын хуралдаанд танилцуулах долоо хоногийн хугацаатай үүргийг Ерөнхий сайд өгсөн билээ.

Тэгвэл энэхүү хугацаа өнөөдрөөр дуусгавар болсон бөгөөд Засгийн газрын ээлжит хуралдаанаар ЕБС-ийн хичээлийг хоёрдугаар сарын 14-нд эхлүүлэхээр шийдвэрлэсэн байна. Энэ талаарх дэлгэрэнгүй мэдээллийг бид удахгүй хүргэх болно.