“Эрдэнэс Тавантолгой” ХК Халаалт, агаар сэлтгэлтийн инженер, Эдийн засагч /түр/, Нягтлан бодогч /түр/ мэргэжилтэн гэсэн 3 ажлын байранд 2021 оны есдүгээр сарын 23-30-ны өдөр, мөн 2021 оны есдүгээр сарын 30-наас аравдугаар сарын 06-ны өдрүүдэд нээлттэй сонгон шалгаруулалт зарласан.

Сонгон шалгаруулалтад оролцохоор 86 иргэн материалаа ирүүлсэн байна.

Үүний дагуу сонгон шалгаруулалтыг 2 үе шаттайгаар 2021 оны 10 дүгээр сарын 08-ны өдөр компанийн төв оффисийн байранд  зохион байгуулж байна. Оролцогсдыг түргэвчилсэн шинжилгээнд хамруулж, хүн хоорондын зайг бариулж  халдвар хамгааллын урьдчилан сэргийлэх арга хэмжээг авч хэрэгжүүлэв.