ЭХЭМҮТ-ийн Тандалт судалгааны албанаас амьгүй төрөлтийн бүртгэл мэдээллийг танилцуулах, хэлэлцүүлэх зорилгоор "Амьгүй төрөлтийн өнөөгийн байдал" сэдвээр цахим хурал зохион байгуулав.
Уг хуралд 21 аймаг, ЭХЭМҮТ, Налайх, Амгалан амаржих газар, Чингэлтэй, Сүхбаатар, Баянзүрх, Хан-Уул дүүргийн ЭМТ-ийн эх барих эмэгтэйчүүдийн эмч нар, аймгийн ЭМГ-ын эх барихын асуудал хариуцсан мэргэжилтэн, зөвлөх эмч, нэгдсэн эмнэлэг, БОЭТ-ийн ЭМТҮЧАБА-ны дарга, менежер, өрх, сумын ЭМТ-ийн эмч, эх баригч нар бүхий 105 эмч, мэргэжилтнүүд цахимаар холбогдон оролцлоо.
Цахим хуралд:
- “Амьгүй төрөлтийн бүртгэл, мэдээллийн өнөөгийн байдал” ЭХЭМҮТ-ийн ТСА-ны судлаач эмч Г.Батзул,
- “Амьгүй төрөлтийн үеийн тусламж үйлчилгээ” сэдвээр АУ-ы доктор, клиникийн профессор, эх барих эмэгтэйчүүдийн эмч Ж.Отгонбаатар мэдээлэл хийлээ.
Энэхүү цахим хурал нь улсын хэмжээний амьгүй төрөлтийн өнөөгийн байдал, төрөлтийн үеийн тусламж үйлчилгээнд анхаарах зүйлсийг хэлэлцүүлж, мэргэжил аргазүйн зөвлөгөө өгсөн ач холбогдол бүхий хурал боллоо.
Эх сурвалж: ЭМЯ
