Өнгөрсөн хоногт коронавируст халдварыг илрүүлэх зорилгоор улсын хэмжээнд хийсэн шинжилгээний хариуг ЭМЯ-ны хэвлэлийн төлөөлөгч Б.Ууганбаяр мэдээллээ.

Сүүлийн 24 цагт 9517 хүнд шинжилгээ хийхэд 1998 хүнээс коронавирус илэрлээ. Шинээр илэрсэн тохиолдлууд бүгд дотоодын халдвар бөгөөд, нийслэлд 1139, орон нутагт 859 хүн халдвар авсан нь шинээр бүртгэгджээ. Ингэснээр манай улсад бүртгэгдсэн нийт халдварын тохиолдол 130452 боллоо. Харин ковид-19 халдвар болон хавсарсан суурь өвчний улмаас 7 хүн нас барлаа.

Мөн сүүлийн 24 цагт 2582 хүн эдгэрч эмнэлэг болон гэрийн хяналтаас гарчээ.