Оюу Толгой” төслийн хөрөнгө оруулагч талтай хийж буй яриа хэлэлцээнд төдийлөн ахиц гараагүй байгааг Засгийн газрын хэрэг эрхлэх газраас мэдээллээ.
“Оюу Толгой” төслийн асуудлаарх Засгийн газрын ажлын хэсэг хөрөнгө оруулагч талуудын төлөөлөлтэй дөрөвдүгээр сард биечилсэн уулзалт хийсэн юм. Дараагийн уулзалтыг товлосон боловч цар тахлын улмаас хөрөнгө оруулагч тал уулзалтыг цуцалж, бичгээр тайлбар ирүүлэхээ мэдэгдсэн байна.
Мөн “Оюу Толгой” төслийн гүний уурхайн бүтээн байгуулалтын зардал нэмэгдэж, ашиглалтад орох хугацаа хойшилсон шалтгааныг судалж, дүгнэлт гаргах хөндлөнгийн шинжээчид 2021 оны долоодугаар сарын эцсээр дүгнэлтээ гаргахаар ажиллаж байгаа юм байна.
Харин татварын асуудлаарх арбитрын шүүх хуралдаан 2022 оны наймдугаар сарын сүүлийн долоо хоногт товлогджээ.
