Сүүлийн 24 цагт коронавируст халдварын 2271 тохиолдол бүртгэгдлээ. 11 хүн коронавирусийн халдварын хүндрэлийн улмаас нас барлаа. Ингээд нийт бүртгэсэн халдварын тоо 104900 болсон бол 493 хүн тус өвчний улмаас нар бараад байна. Харин өчигдөр 977 хүн эдгэрснээр нийт 67579 хүн эдгэрчээ.
Өчигдөрч 2271 халдвар илэрсний
- Улаанбаатар хотод 1231
- Орон нутагт 1040 хүнээс халдвар илэрчээ.
Улаанбаатарт халдвар бага зэрэг буурсан бол орон нутагт нэмэгдээд байна.
Өнөөдрийн байдлаар эмнэлэгт 13296 хүн эмчлүүлж буй бөгөөд биеийн байдлаар ангилбал,
- маш хүнд 239
- хүнд 1144
- хүндэвтэр 3149
- хөнгөн 8764 хүн байна.
Биеийн байдал нь хүнд, хүндэвтэр байгаа иргэдийг эмнэлэг рүү татах, шинж тэмдэг хөнгөн илэрч буйг нь гэрээр эмчлэхээс өөр аргагүй байдалд хүрсэн. Эмнэлгийн орны хүртээмж, ажиллах хүчний хувьд асар өндөр ачаалалтай байгаа тул иргэдийн хувь нэмэр маш чухал байна. Цаашид нэмж ор дэлгэсэн ч гэсэн ажиллах эрүүл мэндийн ажилтан хүрэлцэхгүй байгаа тул хүн бүр өөрсдийгөө халдвараас хамгаалах хэрэгтэй. Хариуцлагатай байцгааж, цар тахлыг хамтдаа давцгаая. Та өвдөхгүй байвал таны ард байгаа 3-4 хүнийг хамгаалж байгаа хэрэг юм" гэлээ.
