УИХ-ын Нийгмийн бодлогын байнгын хорооны өнөөдрийн хуралдаанаар цар тахлын нөхцөл байдалтай холбогдуулан гишүүд цаг үеийн асуудлаар мэдээлэл сонсов. 

Энэ үеэр гишүүд ямар шалтгаанаар хүмүүс нас барсныг нарийн тодруулж байгаа эсэхийг асуув. 

"Улсын хэмжээнд 96 хүн нас бараад байгаагаас 88 хүн нь цар тахлын хүндрэлээр, 8 нь хавсарсан өвчний улмаас нас барсан. 

Манай улсад задлан шинжилгээ хийх боломжгүй. Боломж байсан бол нас барсан хүмүүсийг суурь өвчтэй юу, КОВИД-19-ийн шалтгаант нас баралт уу гэдгийг тогтооно" гэдгийг Эрүүл мэндийн сайд С.Энхболд хэллээ.