“Баянзүрх дүүргийн явуулын шинжилгээний баг бүгд "Коронавирус-19"-ын халдвар авчээ” гэх мэдээлэл нь худал гэдгийг тус дүүргийн онцгой комиссоос албан ёсоор мэдэгдлээ.
Баянзүрх дүүргийн хэмжээнд өнөөдрийн байдлаар тандалтын 12 баг (1 баг 4 гишүүнтэй) "Коронавирус-19"-ын шинж тэмдэг илэрсэн, ойрын хавьтал, эмнэлэгт хэвтэн эмчлүүлэх шаардлагатай иргэдээс ПСР шинжилгээг авч байна. Мөн 28 хорооны өрхийн эрүүл мэндийн төвүүд давтан шинжилгээг авч байна.
2021 оны 4 дүгээр сарын 16-нд ПСР шинжилгээ өгсөн иргэдийн хариу өнөөдөр гарна. 4 дүгээр сарын 17-нд өгсөн шинжилгээний хариу өнөөдөр шөнөдөө багтаж гарна. Цаашлаад 4 дүгээр сарын 18,19-нд өгсөн шинжилгээний хариунууд гарах болно.
Шинжилгээний хариу цаг авч байгаа шалтгаан нь
1. Лабораторийн хүчин чадлаас хамааралтай
2. Эерэг тохиолдол ихээр бүртгэгдэх болсонтой холбогдуулан, давтан шинжилж үзэж байгаа болно.
БЗД-ийн Онцгой комисс
