Гадаад валютын нөөцийг бүрдүүлэх голлох эх үүсвэрийн нэг нь Монгол Улсын алтны олборлолт буюу олборлосон алтаа Монголбанканд худалдах. Энэ хүрээнд Монголбанк өнгөрсөн жилүүдэд алт тушаалтыг дэмжихийн тулд олон арга хэмжээ аваад байна. Улмаар өнгөрсөн онд Төв банкны худалдан авсан үнэт металлын хэмжээ 23 тонн давж, түүхэн дээд хэмжээнд хүрчээ. Хэдий тийм боловч он гарсаар буураад байна.
2021 он гарсаар цар тахлын нөхцөл байдалтай холбоотойгоор Засгийн газар гурван удаа хатуу хөл хорио тогтоосон юм. Энэ нь алт олборлогч компаниуд болон бичил алт олборлогчдын үйл ажиллагааг хязгаарлахад нөлөөлжээ.
Харин олон улсын таваарын зах зээлийг харвал сүүлийн зургаан сарын хугацаанд алтны үнэд буурах хөдөлгөөн давамгайлж байна. Мөн хугацаанд алтны спот үнэ 9.7 хувиар буурч, дөрөвдүгээр сарын тавны өдрийн байдлаар 1728 орчим ам.доллар хэлбэлзэж байна.
