Дэлхийн хамгийн алдартай хотуудын нэг Нью-Йорк-ын дүр төрх цаг хугацаа өнгөрөхийн хэрээр хэрхэн өөрчлөгдөж ирснийг харуулсан зураг интернэтэд тавигджээ.


Тэртээ 1876 оны зураг дээр дэлхийн өнцөг булан бүрээс эрх чөлөөний орон Америк, түүний томоохон хот Нью-Йоркт амьдрахаар ирж байгаа цагаачдыг зөөсөн усан онгоц бүхий хөл хөдөлгөөн ихтэй боомт хотын дүр зураг гарчээ. Алдарт Бруклины гүүрийг босгох ажил дөнгөж эхэлчихсэн, Манхэттэн арал дээрх цөөн тооны өндөр байшин харагдана.
1932 оны дараагийн зураг дээрх Бруклины гүүрийг бариад дуусчихсан, баруун талд Манхэттений гүүр баригдаад дуусах гэж байгаа нь харагдаж байна. Мөн тухайн үеийн дэлхийн хамгийн өндөр байшин болох 443,2 метртэй Empire State Building харагдана.
1988 он зураг дээр тэнгэр багандсан олон арван барилгууд түүний дотор Дэлхийн худалдааны төвийн хоёр ихэр байшин байх юм.
2013 онд ямаршуу төрхтэй байхыг харуулсан зураг дээр аймшигт алан хядах ажиллагааны улмаас нурсан хоёр ихэр байшингийн оронд баригдаж байгаа ирэх жил ашиглалтад орох Эх чөлөөний цамхаг харагдаж байв.