Сүүлийн хоногт нийт 12605 хүнд шинжилгээ хийснээс 218 хүнд шинэ коронавирусийн халдвар илэрлээ. Ингэснээр манай улсад бүртгэгдсэн халдварын тоо 5610 боллоо. Шинээр бүртгэгдсэн 218 тохиолдлын 176 нь Улаанбаатар хотод, аймаг орон нутагт 42 тохиолдол бүртгэгдлээ. Тодруулбал Дархан-Уул аймагт 10, Төв аймагт 5, Өвөрхангай аймагт 27 шинэ тохиолдол тус тус бүртгэгдсэн байна. Нийт орон нутгийн өвчлөл 424 боллоо.

Өнөөдрийн байдлаар нийт 1376 хүн эмчлүүлж байгаагаас

• хөнгөн 1138,
• хүндэвтэр 207
• хүнд 18,
• маш хүнд 4 хүн байгаа аж.

Өвөрхангай аймгийн Хужирт сумын рашаан сувиллын газартай холбоотой халдвар ийнхүү хэд хэдэн орон нутагт тархсан байна. Иймээс онцын шаардлагагүй бол хөдөө орон нутаг руу зорчихгүй байхыг Эрүүл мэндийн яамнаас зөвлөлөө.