УИХ-ын гишүүн, Боловсрол, шинжлэх ухааны сайд Л.Энх-Амгалан өөрийн цахим хуудсаараа дамжуулан дараах мэдээллийг өглөө.
“ӨНӨӨДӨР 18.00 ЦАГТ ОЮУТНУУДАА СОНСОЖ, ЧӨЛӨӨТЭЙ ЯРИЛЦАНА...Өөрийн пэйж хуудсаар шууд дамжуулах тул илүү олон оюутан саналаа илэрхийлэх боломж үүснэ.
Оюутнууд маань цар тахалтай холбоотойгоор төлбөрөө хөнгөлүүлэх асуудлыг тавьж байгаа. Энэ асуудлаар оюутнуудаа сонсъё, тооцоо судалгааг нь хийе, ямар гарц, ямар боломж байгаа талаар Засгийн газрын хуралдаанд танилцуулах боломжтой гэж үзэж байна.
Миний хувьд сайдаар очоод гаргасан анхны шийдвэр Оюутны зээлийн асуудал байсан. Оюутны хөгжлийн зээлийн сангийн мөнгийг нэмэгдүүлэх Сангийн сайдын хамтарсан шийдвэр гаргаж, 2020 оны намар хүсэлтээ гаргасан 5028, 2021 Хавар хүсэлтээ өгсөн 6635 оюутан буюу 11,665 оюутныг хамруулахаар болсныг хэлье” гэжээ.
